ملتقى الأحبة فى الله

المنتدى مفتوح للجميع - لا تحتاج للتسجيل - فقط قم بمشاهدة وتحميل ما تشاء

تستطيع التعليق بدون تسجيل
ملتقى الأحبة فى الله

منتدي يجمع الأحبة في الله علي قول لا إله إلا الله محمد رسول الله


شرح طريقة الكتابة على الفيديو : بدون برامج وبدون زيادة فى حجم الفيديو مع الضغط الاحترافى (هنا وبس)

شاطر
avatar
Som3a

ذكر عدد الرسائل : 967
العمر : 29
العنوان : مش عارف نص الأسبوع هنا والنص التانى هناك
العمل / الترفيه : طالب فى كلية الصيدلة
المزاج : الحمد لله والشكر لله على كل حال
  : الله ربى والإسلام دينى ومحمد رسولى
تقييم العضو : 29
نقاط التميز : 1109
تاريخ التسجيل : 25/06/2007

default شرح طريقة الكتابة على الفيديو : بدون برامج وبدون زيادة فى حجم الفيديو مع الضغط الاحترافى (هنا وبس)

مُساهمة من طرف Som3a في الجمعة 13 نوفمبر 2009, 9:18 am

[center]


حصريا ولأول مرة على منتدانا

الطريقة الاحترافية للكتابة على الفيديو بدون برامج متخصصة ولا دياولو

وكمان حجم الفيديو مش هيزيد

بل كمان هنضغط الفيديو لـ 1/3 حجمه ونفس الجودة

(ايه رأيكم فى الصفقة دى ؟؟!!)

طيب تدفع كاااااااااااااااام

ياللا يا سيدى ببلاش علشان خاطرك وعلشان أنت فى ملتقى الأحبة



ان شاء الله الموضوع هتلاقوه جديد وجميل إلى أقصى حد وبإذن الله هيعجبكم وهيوفر عليكم كتيييييييييير

نبدأ على بركة الله



1 - إيه فكرة الموضوع ؟

الموضوع فكرته ببساطة إنك عندك فيديو مثلا بصيغة avi عالية الجودة

بالله عليك تركز (مهم جدا ان الفيديو يكون بصيغة
avi
وجودته تكون عالية -
يعنى متروحش تجيب فيديو بصيغة
rmvb
أو
rm
أو
flv
وتقوللى الطريقة منفعتش -
أقولك طبيعى لأن الصيغ دى مضغوطة فإزاى هتضغطها - أدينى نبهت قبل ما أبدأ)

كل اللى هتعمله هو ملف ترجمة للفيديو

بس

شفت الحكاية سهلة إزاى



2 - إزاى أعمل ملف ترجمة ؟

سؤال نبيه من شخص يبدو عليه الذكاء (بس معتقدش - هه)

أقولك يا سيدى ان ببساطة هو ده الموضوع اللى أنا هقدمه

(عمل ملف ترجمة)

ندخل فى الموضوع وتابع الصور





احنا كده أظهرنا امتدادات الملفات اللى على الجهاز وهنعرف ليه دلوقتى







افتح الوثيقة واكتب فيها الأوامر التالية (اوعى تكون نسيت وقت انتهاء الفيديو)



احفظ الوثيقة

ثم



اخبط اتنين كليك ع السهم الأخضر







كده الفيديو اتكتب عليه الحقوق

ولكن أهم خطوة هى دمج الحقوق وضغط الفيديو فى خطوة واحدة

ودى مهمة برنامج

Easy Real Media Producer v 1.94

ermp1.94

افتح البرنامج

ثم











كده يبقى احنا دمجنا الحقوق مع الفيديو

والفيديو أصبحت الكتابة عليه ولا يمكن نزعها

مع تحويله الى صيغة rmvb بحجم صغير ونفس الجودة

هتلاقى الفيديو الجديد بجانب الأصلى



دلوقتى تقدر تمسح ملف الحقوق وبرضه هتلاقى الترجمة على الفيديو الجديد

أظن كده الموضوع انتهى



فاكرين الواد الذكى اللى كان فى بداية الموضوع بيقوللى ازاى أعمل ملف ترجمة

أظن كده هو عرف

بس تقول ايه

أخوه قاعد جنبه وأخوه للأسف أذكى منه

وبيقوللى طيب يا عمو لو أنا عاوز محطش الحقوق على الفيديو بالكامل

وعاوز مثلا لو الفيديو مدته ساعة أحط اسمى واسمى المنتدى فى أول نص ساعة

وبعد كده أحط ايميلى فى النص ساعة التانية

أقولك انت فعلا واد ذكى وبتفكر حلو

والعملية بسيطة جدا

شوف الصورة دى



لو لاحظت الفيديو مدته 11 ثانية

أول 5 ثوانى أنا كتبت اسمى واسم المنتدى

وبعد كده كتبت الرقم واحد

وكملت الأوامر عادى خالص لغاية 11 ثانية

أظن الفكرة واضحة جدا



وكالعادة لأن العيلة دى متعبة الواد أخوهم التالت قاعد يبرطم ويقوللى طيب ازاى أكتب بالأنيميشن

- يعنى ايه مش فاهم

يعنى عاوز الكلمات تبقى متحركة وتعمل حركات وكده

- قوم ياللا روح ومعدتش تيجى هنا

أنا فاضيلك

(ان شاء الله لو شفت تطبيق هعملك اللى انت عاوزه ولو مشفتش تطبيقات يبقى خلاص براحتك)



البنت أختهم الصغيرة ولأنها أمورة ورقيقة بتقوللى ياعمو لو سمحت الموضوع كبير وفيه صور مش واضحة وكمان فيه خطوات مسقطة منى

- أقولها والله ما أنتى زعلانة

أنا رافعلك الصور كلها والفيديو الأصلى وملف الترجمة والفيديو الجديد
وكمان علشان خاطرك عاملك شرح فيديو

طلباتك أوامر

وكل ده 4 ميجا
بس



عمك الحاج أبوهم الكبير بتاع العيلة دخل عليهم وقرأ الموضوع وقاللى ايه ده

الموضوع ده هياخد وقت طويل جدا من العيال ومش هيعرفوا يذاكروا

- قلتله والله الحكاية كلها ما بتكمل دقيقة

اللى بياخد وقت بس هو الدمج والضغط وده على حسب مدة الفيديو

فـ مش ذنبى

قاللى خلاص براءة



الحاجة والدتهم سمعت بالحكاية دى قالتلى بس انت كده ضحكت علينا

قولتلها ليه

قالتلى انت ان الطريقة مش محتاجة برامج وانت جايب الميديا كلاسيك وبرنامج
ermp
كمان

ايه حكايتك ياض

- والله يا حاجة أنا مش قصدى بس أنا كتبت فى بداية الموضوع (بدون برامج متخصصة)

والميديا كلاسيك وال
ermp
مش متخصصين فى الكتابة ولكن برامج تكميلية
وعلى العموم الميديا كلاسيك موجود عند الناس كلها
وال
ermp
ممكن نحمله من هنا ومعاه الشرح
Here

بس فيه حاجة مهمة يا حاجة
شايفة الصورة دى


مكتوب عليها قم بازالة العلامات

لكن لا ولا ولا وألف لا

لازم علشان نكتب على الفيديو وندمج ونضغط ونعمل الشغل كله يبقى نضع كل العلامات ونسطب النسخة كاملة

(أدينى قلت)

فى النهاية دى صورة من الكليب بعد الكتابة والدمج والضغط



ده الفيديو الأصلى بدون حقوق

للمشاهدة المباشرة



ده الفيديو الناتج بعد الكتابة

للمشاهدة المباشرة





لتحميل المجموعة كاملة

الصور والفيديوهات وملف الحقوق والشرح الفيديو

http://www.interupload.com/files/1SLZ1TOB/a7eba.tk_Rights_BySom3a.rar_links


-----------------------------------------------------------------------------------------------------------------------------------------------------------------
مرر الماوس على التوقيع

    الوقت/التاريخ الآن هو الخميس 20 سبتمبر 2018, 12:59 am