تخيل معايا كده ... لو واحد دخل امتحان ... وكان امتحان مهم جدا ... ويتوقف على نجاحه فيه تغيير كبير فى مسار حياته ... والامتحان ده نقطه فاصله ليه ...
دخل فعلا الامتحان .. بعد ما ذاكر كويس ... وقرأ كويس ... ولما دخل الامتحان كانت الامتحان 3 اسئلة بس ... وفعلا كان مذاكر تمام وجاوب من خلال فهمه على الأسئلة ال 3 ....
وبعد ما خرج من اللجنة بيراجع الأسئلة مع زمايله .........
وفجأأأأأأأأأأأأه
اكتشف انه كان مجاوب أحد الأسئلة غلط ... مع إنه كان عارف إجابتها كويس جدا ... لإنه كان مذاكر كويس لكن خانته ذاكرته وافتكر انها حاجاة تانية .... ومجاوبش الإجابة الصحيحة
-----------------------------
ياترى هيكون حزين اد ايه وندمان اد ايه ... واكيد هيكون نفسه يرجع تانى ... او يدوله بس خمس دقائق يلحق يكتب الإجابة الصح اللى هو حافظها كويس جدا
*************************
طيب تخيل معايا كده لو كان الراجل ده وهو جوه لجنة الامتحات كان فاكر الإجابة الصحيحة ... ومع ذلك وعن قصد وبتعمد .. كتب الإجابة الخطأ ....
تقول عليه ايه ... مع انه يعرف أد إيه الإمتحان ده مهم ليه ...
***************************
إنت عايز مننا إيه ؟؟؟
سؤال مهم شكلك قرأتلى مواضيع قبل كده
المهم ... انت اكيد هتقول على الراجل ده مش عاقل او فيه حاجه غلط
طيب مهو انا وانت كده يا حبيبي قلبي
مش إنت من شوية سمعت اذان العشاء ومصلتش فى الجامع
مع إنك عارف إنك فى امتحان يتوقف عليه مصيرك ياجنة يانار ... امتحان الدنيا
وعارف ان الاجابة الصحيحه على سؤال العشاء انك تصليها جماعة اولى فى الجامع ... دي الاجابة النموذجية
..................
الخلاصة علشان مطولش لإنى عارف إنك مش فاضى ... ووراك اسئلة كتيره مجاوبتهاش لسه او سايبها فاضية
أو للأسف جاوبتها غلط
ومحتاج تلحق تكمل وتصلح
قبل أن يقال لك ........ معدش ينفع ....
المصدر
http://www.way2allah.com/forums/showthread.php?t=8374
