أكيد فيه حاجات كتييييييير أوي بتحصلنا كل يوم
والغريب إنها بتحصل لأي حد فينا
من ضمن الحاجات الكتييييييير قوي دي
الكلام اللي بنسمعه كل يوم من الحاج والحاجة
أشهر الجمل اللي بيقولها الأب و الأم كل يوم
* ابقي نشف الحمام بعد ما تخرج منه.
* يا خويا ياراتك حافظ الدروس اللى عندك زى ما انت حافظ الاغانى كده .
* لو كانت اللي علي التليفون طنط سلوي قوليلها ماما نايمة .
* ابقى قابلني بكرة تاخد بالجزمة وتاكل كل حاجة غصب عنك.
* امشى جاتك مشش فى ركبك .
* جتها نيلة الى عايزة خلف تيجى تتفرج .
* متتأخرش وهات عيش وانت جاى .
* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيلحس دماغك .
* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.
*أوعي حد يضحك عليك ويقولك جرب السيجارة دي.
*ابقى ورينى مين حينفعك فى الاخر من شوية الصيع الى انت مشيلى وراهم .
* قوم اقرا لك كلمتين ينفعوك .
* وطي المدعوق ده شويه .
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* كريم دا عيل بايظ وماتمشيش معاه تاني .
* هيا الوزيرة معندهاش وزاره النهارده قومى يا حبيبتى الساعه10 .
* انته مبتكلش جزر ليه .. اجيبلك برتقانه. طب كل سلطه .
* قومي ساعدي امك ده اللي هيتجوزك أمه داعية عليه.
* يا ابني حرام عليك الى بتعمله فينا ده.
* انا سايبالكوا البيت وماشية ومش حتشوفوا وشي تاني .
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
*مين اللي ساب باب التلاجة مفتوح.
* كفايه رغي في التليفونات .
* كل على مهلك .. وامضغ كويس ... وما تكلش وانت واقف .. وكل من قدامك ما تحفش .
* اطفي التلفزيون وقوم ذاكر ولا و خش اوضتك .
* بلاش تمشى حافى البس شبشب وانته داخل الحمام .
* ما فيش مذاكرة على المزيكا .. وازاى بتذاكر و البتاع ده شغال جنبك .
* ماتكلش فى ضوفرك.
*فلوسك بتروح فين يا هبله انتي بتصرفي على الصبيان؟؟.
كنت فين لحد دلوقتى يا صايع.
* انا : ياماما بقه ايه ده ؟؟؟
ماما:مووو لمـا يــــــخدك .
* ادلعى ياهبة فى ايامك المهببه .
* ده منظر اودة يا بني آدم ، انت عايش فيها ازاي؟.
* هو انا الخدامه الى ابوكم جبهلكم .
* الى يطلع من الاوضه يطفى النور وراه .
*أبوك عندك أهو اتصرف معاه .
* لو مش فاهم حاجه ارفع ايدك و قول للأستاذ مش فاهم .. متتكسفش .
* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .
* احمد ربنا الاكل الى مش عجبك ده فى ناس مش لقياه .
*والله لو منضفتيش الشقه ومسحتيها ما في نزول النهرده .
* قومي سخني الأكل لأخوكي.
*انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.
* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟
** ملحوظة هامة ومش لازم ننساها **
طبعا كلنا قرينا الكلام دة وطبعا كل اللي يقراه بيقعد يضحك لما يفتكر مواقف الجمل دي
بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي احنا فيه
EnG_MezO
عدل سابقا من قبل EnG_MezO في الأحد 12 أكتوبر 2008, 10:24 pm عدل 3 مرات
